Հունիսի 8-9-ին Երևանում տեղի ունեցավ բարձր մակարդակի խորհրդաժողով, որը կազմակերպվել էր Եվրոպայի խորհրդի և Հայաստանի Հանրապետության սահմանադրական դատարանի հետ սերտ համագործակցությամբ։

Խորհրդաժողովը ծառայեց որպես հարթակ՝ միտված դատական համակարգի անկախության ամրապնդման և հանրային վստահության բարձրացման ուղիների շուրջ Սահմանադրական դատարանի, բոլոր ատյանների դատարանների և իշխանության մյուս ճյուղերի, ինչպես նաև միջազգային համայնքի և քաղաքացիական հասարակության միջև երկխոսությանը․ քննարկվել են նաև Հայաստանում ընթացող բարեփոխումները։